તા. ૨૪ માર્ચના World Tuberculosis Day નિમિત્તે Junagadh district એ આરોગ્ય ક્ષેત્રે મહત્વપૂર્ણ સિદ્ધિ હાંસલ કરી છે. જિલ્લા આરોગ્ય વિભાગની સતત મહેનત અને સુવ્યવસ્થિત કામગીરીના પરિણામે જિલ્લાની કુલ ૪૯૩ પંચાયતોમાંથી ૩૨૯ પંચાયતોને સફળતાપૂર્વક ટીબી મુક્ત જાહેર કરવામાં આવી છે, જે કુલ ગામોમાંથી આશરે ૬૭% છે.

આ પ્રસંગે જિલ્લા કલેક્ટર Anilkumar Ranavasia ના હસ્તે ટીબી મુક્ત જાહેર થયેલ પંચાયતોના સરપંચો અને તલાટીઓને સર્ટિફિકેટ આપી સન્માનિત કરવામાં આવ્યા હતા. કાર્યક્રમમાં ગોલ્ડ, સિલ્વર અને બ્રોન્ઝ એમ ત્રણ કેટેગરીમાં સર્ટિફિકેટ આપવામાં આવ્યા હતા, જેમાં ૧૧૮ ગામોને ગોલ્ડ, ૧૨૦ ગામોને સિલ્વર અને ૯૧ ગામોને બ્રોન્ઝ સર્ટિફિકેટ એનાયત કરવામાં આવ્યા હતા.

જિલ્લામાં આ સિદ્ધિ સતત સર્વેલન્સ, સમયસર ટેસ્ટિંગ અને યોગ્ય સારવારના કારણે પ્રાપ્ત થઈ છે. જિલ્લા કલેક્ટરશ્રીએ આ સફળતા માટે મુખ્ય જિલ્લા આરોગ્ય અધિકારીની ટીમ, મેડિકલ ઓફિસર્સ, આશા બહેનો, MPJW અને લેબોરેટરી ટેકનિશિયન સહિતના તમામ કર્મચારીઓને અભિનંદન પાઠવ્યા હતા.

આ સાથે જ જિલ્લા ક્ષય અધિકારી Chandresh Vyas એ જણાવ્યું કે આજે જ જિલ્લાભરમાં નવા ૧૦૦ દિવસના વિશેષ ટીબી મુક્ત અભિયાનનો પ્રારંભ કરવામાં આવ્યો છે. આ અભિયાન અંતર્ગત ૧૩૭ એવા ગામોની પસંદગી કરવામાં આવી છે જ્યાં વધુ ધ્યાન આપવાની જરૂર છે.

આ અભિયાનની ખાસિયત તરીકે હેન્ડ હેલ્ડ એક્સ-રે મશીનનો ઉપયોગ કરવામાં આવશે. આરોગ્ય વિભાગની ટીમ દ્વારા ઘરે-ઘરે જઈને હાઈ-રિસ્ક ધરાવતા લોકો, જેમ કે ડાયાબિટીસ અથવા HIV પોઝિટિવ દર્દીઓ તેમજ ટીબી દર્દીઓના સંપર્કમાં આવેલા લોકોનું સ્ક્રિનિંગ કરવામાં આવશે. જરૂરી જણાય તો સ્થળ પર જ એક્સ-રે તેમજ સેમ્પલ લઈ તાત્કાલિક સારવાર શરૂ કરવામાં આવશે.

કાર્યક્રમમાં જિલ્લા વિકાસ અધિકારી H. P. Patel અને જિલ્લા આરોગ્ય અધિકારી Dr. Salvi સહિતના અધિકારીઓ ઉપસ્થિત રહ્યા હતા. જિલ્લા તંત્રે આગામી સમયમાં તમામ ગામોને ટીબી મુક્ત બનાવવા માટે પ્રતિબદ્ધતા વ્યક્ત કરી છે.