જામનગરમાં વડાપ્રધાન Narendra Modi ની આગામી 10 અને 11 મેની મુલાકાતને ધ્યાનમાં રાખીને વહીવટી તંત્ર અને જનપ્રતિનિધિઓ દ્વારા તૈયારીઓ તેજ કરવામાં આવી છે. આ સંદર્ભે જામનગર કલેક્ટર કચેરી ખાતે સાંસદ Poonamben Madam ની અધ્યક્ષતામાં મહત્વપૂર્ણ સમીક્ષા બેઠક યોજાઈ હતી.

બેઠક દરમિયાન જિલ્લા કલેક્ટર P. B. Pandya એ વડાપ્રધાનશ્રીના કાર્યક્રમોને લગતી તમામ વ્યવસ્થાઓ અને આયોજનની વિગતવાર રૂપરેખા રજૂ કરી હતી. તેમણે જણાવ્યું હતું કે સમગ્ર કાર્યક્રમનું સંચાલન સુવ્યવસ્થિત અને સફળતાપૂર્વક પૂર્ણ થાય તે માટે વહીવટી સ્તરે વિવિધ સમિતિઓની રચના કરવામાં આવી છે. દરેક વિભાગને જવાબદારીઓ સોંપી કાર્યક્રમની તૈયારીને અંતિમ રૂપ આપવામાં આવી રહ્યું છે.

સમીક્ષા બેઠક દરમિયાન વિભાગવાર હાથ ધરવામાં આવેલી તૈયારીઓ, સુરક્ષા વ્યવસ્થા, ટ્રાફિક મેનેજમેન્ટ, બેઠક વ્યવસ્થા તેમજ જનસુવિધાઓ અંગે વિસ્તૃત ચર્ચા કરવામાં આવી હતી. સાંસદ પૂનમબેન માડમે તમામ અધિકારીઓને સંકલન સાથે કામગીરી કરવા અને કોઈપણ પ્રકારની કચાસ ન રહે તેની ખાસ તકેદારી રાખવા સૂચના આપી હતી.

બેઠક પૂર્ણ થયા બાદ સાંસદ પૂનમબેન માડમ, કલેક્ટર પી.બી. પંડ્યા સહિતના મહાનુભાવોએ Lal Bangla Circle ખાતેના કાર્યક્રમ સ્થળની મુલાકાત લીધી હતી. આ દરમિયાન સુરક્ષા વ્યવસ્થા, સ્ટેજ, બેઠક વ્યવસ્થા અને અન્ય સુવિધાઓનું બારીકાઈથી નિરીક્ષણ કરી જરૂરી માર્ગદર્શન આપવામાં આવ્યું હતું.

આ બેઠકમાં પ્રભારી શ્રી ધનસુખભાઈ ભંડેરી, ધારાસભ્ય Meghjibhai Chavda, શ્રી દિવ્યેશભાઈ અકબરી, જિલ્લા વિકાસ અધિકારી Ankit Pannu, અધિક કલેક્ટર શ્રી એસ.એમ. કાથડ તેમજ અગ્રણી સર્વશ્રી બીનાબેન કોઠારી અને ડૉ. વિનુભાઈ ભંડેરી સહિત વિવિધ વિભાગોના ઉચ્ચ અધિકારીઓ ઉપસ્થિત રહ્યા હતા.

વડાપ્રધાનશ્રીની જામનગર મુલાકાતને લઈને શહેરમાં ઉત્સાહનો માહોલ જોવા મળી રહ્યો છે. વહીવટી તંત્ર દ્વારા કાર્યક્રમ સફળ બને તે માટે યુદ્ધના ધોરણે તૈયારીઓ હાથ ધરવામાં આવી રહી છે.