Patan જિલ્લામાં રાજ્ય સરકારના રોજગારલક્ષી વિઝન હેઠળ ‘નમો કૌશલ્ય લક્ષ્મી યોજના’નો અસરકારક અમલ થઈ રહ્યો છે, જેના પરિણામે ITIમાં અભ્યાસ કરતી દીકરીઓને કૌશલ્ય વિકાસ અને આત્મનિર્ભરતાની નવી તક મળી રહી છે. રાજ્ય સરકાર દ્વારા આ યોજનાના અસરકારક અમલીકરણ માટે બજેટમાં રૂ. ૪૦ કરોડની નોંધપાત્ર જોગવાઈ કરવામાં આવી છે, જે યુવતીઓના ટેકનિકલ શિક્ષણ અને રોજગારક્ષમતા વધારવા માટે મહત્વપૂર્ણ સાબિત થશે.

આ યોજનાનો મુખ્ય હેતુ ટેકનિકલ ક્ષેત્રે અભ્યાસ કરતી દીકરીઓને પ્રોત્સાહન, આર્થિક સહાય અને પ્રાયોગિક તાલીમ પૂરી પાડવાનો છે. ખાસ કરીને ગ્રામ્ય અને મધ્યમ વર્ગની યુવતીઓ માટે આ યોજના આશીર્વાદરૂપ બની છે. ITIમાં વિવિધ ટ્રેડમાં તાલીમ લેતી દીકરીઓને આધુનિક સાધનો, ઉદ્યોગ સાથે જોડાણ અને કારકીર્દી માર્ગદર્શન જેવી સુવિધાઓ આપવામાં આવી રહી છે.

વર્ષ ૨૦૨૫ દરમ્યાન પાટણ જિલ્લામાં રોજગાર અને કારકીર્દી માર્ગદર્શન ક્ષેત્રે નોંધપાત્ર સિદ્ધિઓ પ્રાપ્ત થઈ છે. જિલ્લા રોજગાર કચેરી દ્વારા રોજગાર ભરતી મેળાઓ, કૌશલ્ય તાલીમ કાર્યક્રમો અને ઉદ્યોગ સાથે સંકલન દ્વારા યુવાનોને નોકરીના અવસર ઉપલબ્ધ કરાવવામાં આવ્યા છે. અનેક યુવતીઓએ ખાનગી તેમજ સરકારી ક્ષેત્રમાં રોજગાર મેળવી આત્મનિર્ભરતા તરફ પગલું ભર્યું છે.

જિલ્લા રોજગાર કચેરી દ્વારા કારકીર્દી માર્ગદર્શન શિબિરો, સોફ્ટ સ્કિલ ડેવલપમેન્ટ અને ઈન્ટરવ્યૂ તૈયારી જેવી પ્રવૃત્તિઓનું આયોજન કરવામાં આવ્યું છે. આ પ્રયત્નોથી યુવાનોમાં આત્મવિશ્વાસ વધ્યો છે અને રોજગાર માટે જરૂરી કૌશલ્ય વિકસિત થયું છે. ખાસ કરીને ITI દીકરીઓ માટે ઉદ્યોગસાહસિકતા તરફ પ્રેરણા આપવામાં આવી રહી છે, જેથી તેઓ સ્વરોજગાર તરફ આગળ વધે.

‘નમો કૌશલ્ય લક્ષ્મી યોજના’ અને જિલ્લા સ્તરે થતા પ્રયાસો પાટણ જિલ્લામાં યુવતીઓના સશક્તિકરણ અને સર્વાંગી વિકાસ માટે મહત્વપૂર્ણ પગલું સાબિત થઈ રહ્યા છે. રાજ્ય સરકારના આ દૃઢ સંકલ્પથી જિલ્લામાં રોજગારના નવા દ્વાર ખુલ્યા છે અને યુવાનોને વ્યાપક લાભ મળી રહ્યો છે.