ગુજરાતના વન અને પર્યાવરણ મંત્રી Arjun Modhwadia એ આજે Gir National Park ના ગીર સાસણ વિસ્તારમાં હોટલ એસોસિએશનના પ્રતિનિધિઓ, હોમ સ્ટે સંચાલકો, પ્રવાસન ગાઈડ્સ અને વન વિભાગના અધિકારીઓ-કર્મચારીઓ સાથે લોકસંવાદ યોજી તેમના પ્રશ્નો, સૂચનો અને રજૂઆતો સાંભળી હતી. આ કાર્યક્રમમાં કૃષિ અને પ્રવક્તા મંત્રી Jitu Vaghani તેમજ ઊર્જા રાજ્યમંત્રી Kaushik Vekariya પણ ઉપસ્થિત રહ્યા હતા.

વનમંત્રી અર્જુન મોઢવાડિયાએ જણાવ્યું હતું કે વડાપ્રધાન Narendra Modi ના દિશાદર્શન અને મુખ્યમંત્રી Bhupendra Patel ના નેતૃત્વમાં રાજ્યમાં પ્રવાસન વિકાસને ગતિ આપવા માટે અનેક બહુઆયામી પ્રોજેક્ટ અમલમાં મૂકવામાં આવ્યા છે. ગીર વિસ્તારમાં પણ ઇકો ટુરિઝમને પ્રોત્સાહન આપવા સરકાર સતત પ્રયાસ કરી રહી છે, જેથી સ્થાનિક લોકોને રોજગારી મળે અને પર્યાવરણનું સંરક્ષણ પણ થાય.

વનમંત્રીશ્રીએ વધુમાં જણાવ્યું કે ગીર વિસ્તારના ગામોમાં માર્ગ સુવિધા અને અન્ય માળખાકીય વિકાસ માટે નિયમ અનુસાર મંજૂરી પ્રક્રિયા પૂર્ણ કરી ગ્રામ્ય વિસ્તારોના લોકોની સમસ્યાઓનું નિરાકરણ લાવવામાં આવશે. તેમણે ગીરને ગુજરાત અને દેશની અમૂલ્ય ધરોહર ગણાવી જણાવ્યું કે સમગ્ર સૌરાષ્ટ્રમાં સિંહોના સંવર્ધન અને સંરક્ષણ માટે લોકસહયોગથી ઉત્તમ કામગીરી થઈ રહી છે.

સિંહ સંરક્ષણ માટે આધુનિક ટેકનોલોજી અને AI આધારિત પ્રોજેક્ટ્સનો ઉપયોગ પણ વધારવામાં આવી રહ્યો હોવાનું તેમણે જણાવ્યું. ‘પ્રોજેક્ટ લાયન’ સહિત વિવિધ યોજનાઓ દ્વારા સિંહોની સુરક્ષા, મોનીટરીંગ અને સંવર્ધન વધુ અસરકારક રીતે કરવામાં આવી રહ્યું છે.

ગીરમાં દેશ-વિદેશથી આવતા પ્રવાસીઓને વધુ સારી સુવિધાઓ મળી રહે તે માટે સરકાર સતત કામગીરી કરી રહી હોવાનું જણાવી મંત્રીએ ગાઈડ્સ અને વન વિભાગના કર્મચારીઓ સાથે પણ સંવાદ કર્યો હતો.

આ પ્રસંગે મંત્રી જીતુ વાઘાણીએ જણાવ્યું કે વનમંત્રી અર્જુન મોઢવાડિયાએ ગીરમાં લોકદરબાર જેવી વ્યવસ્થા દ્વારા લોકો અને પ્રવાસન ક્ષેત્ર સાથે જોડાયેલા લોકોની સમસ્યાઓ સાંભળી મહત્વપૂર્ણ કામગીરી કરી છે. તેમણે પર્યાવરણની સમતુલા જાળવી રાખીને પ્રવાસન વિકાસને પ્રોત્સાહન આપવાના સરકારના પ્રયાસોને આવકાર્યા હતા.