આણંદ શહેરમાં નાગરિક સુવિધાઓ અને જાહેર સ્થળોની ગુણવત્તા વધુ સુધારવાના ઉદ્દેશ સાથે આજે સવારે લોટેશ્વર તળાવની મુલાકાત લેવામાં આવી હતી. મુલાકાત દરમિયાન તળાવની આસપાસ થયેલા ઘન ઘાસ અને ગંદકી દૂર કરવા તેમજ તળાવની પરિક્રમા પાથ પર જરૂરી લાઇટિંગ વ્યવસ્થા સુનિશ્ચિત કરવા માટે આણંદ મહાનગરપાલિકાની ટીમને જરૂરી સૂચનાઓ આપવામાં આવી હતી. લોટેશ્વર તળાવ શહેરના મહત્વપૂર્ણ પ્રાકૃતિક અને ફરવાલાયક સ્થળોમાંનું એક હોવાથી તેની સ્વચ્છતા અને સુરક્ષા પર ખાસ ધ્યાન આપવાનું જણાવવામાં આવ્યું.

લોટેશ્વર તળાવની મુલાકાત બાદ આ ઠંડી સવારમાં ઓમકારેશ્વર ગાર્ડનની પણ મુલાકાત લેવામાં આવી હતી. અહીં ફરવા માટે આવેલા નાગરિકો અને આસપાસ રહેતા રહીશો સાથે સહજ સંવાદ સાધવામાં આવ્યો અને ગાર્ડનમાં કરવામાં આવેલી સફાઈ, હરિયાળી તથા સુવિધાઓ અંગે તેમની પ્રતિભાવ લેવામાં આવ્યા. નાગરિકોએ ગાર્ડનની સ્વચ્છતા, નિયમિત જાળવણી અને સુંદર પર્યાવરણ માટે મહાનગરપાલિકાની કામગીરીની પ્રશંસા કરી હતી.

ઓમકારેશ્વર ગાર્ડન શહેરના નાગરિકો માટે આરામ, વ્યાયામ અને સામાજિક મળમિલાપનું મહત્વપૂર્ણ કેન્દ્ર છે. અહીં ચાલવા માટેના માર્ગ, બેઠક વ્યવસ્થા, હરિયાળી અને બાળકો માટેની સુવિધાઓને કારણે દરરોજ મોટી સંખ્યામાં લોકો મુલાકાત લે છે. નાગરિકોના પ્રતિભાવ પરથી સ્પષ્ટ થયું કે, મહાનગરપાલિકા દ્વારા કરવામાં આવેલી સફાઈ અને સુવિધાઓ લોકોના જીવનમાં સકારાત્મક અસર કરી રહી છે.

આ અવસરે નાગરિકોએ લોટેશ્વર તળાવ અને ઓમકારેશ્વર ગાર્ડન જેવી જાહેર જગ્યા વધુ સ્વચ્છ અને સુરક્ષિત રાખવા માટે સૂચનો પણ આપ્યા. આ સૂચનોને ગંભીરતાપૂર્વક લઈને આગામી દિવસોમાં જરૂરી પગલાં લેવામાં આવશે તેવી ખાતરી આપવામાં આવી હતી.

અંતમાં, નાગરિકો તરફથી મળેલા સકારાત્મક પ્રતિસાદ અને પ્રશંસા બદલ આણંદ મહાનગરપાલિકાની ટીમને અભિનંદન પાઠવવામાં આવ્યા. શહેરને સ્વચ્છ, હરિયાળું અને નાગરિકોને અનુકૂળ બનાવવા માટે મહાનગરપાલિકા દ્વારા કરવામાં આવી રહેલી કામગીરી આણંદને વધુ સુંદર અને રહેવાયોગ્ય શહેર બનાવવાની દિશામાં મહત્વપૂર્ણ સાબિત થઈ રહી છે.