ખેડા જિલ્લામાં આયોજિત મહિલા સશક્તિકરણ મેળાએ મહિલાઓની આત્મનિર્ભરતા અને સ્વરોજગાર ક્ષેત્રે નવી કહાની લખી છે. આ મેળામાં મહિલાઓને તેમના ઉત્પાદનો, વ્યવસાયિક કૌશલ્ય અને આત્મવિશ્વાસને પ્રદર્શિત કરવાનો અનોખો મંચ મળ્યો. “વોકલ ફોર લોકલ”ના સંકલ્પ સાથે આયોજિત આ મેળો આત્મનિર્ભર ભારત તરફનું મજબૂત પગલું સાબિત થયો છે.

મહિલા સશક્તિકરણ મેળામાં સ્વરોજગાર કરતી મહિલાઓ માટે B2B બેઠકનું આયોજન કરવામાં આવ્યું હતું, જેમાં વિવિધ વેપારીઓ અને ઉદ્યોગકારો સાથે સીધો સંપર્ક સાધવાની તક મળી. આ બેઠક દ્વારા મહિલાઓને તેમના ઉત્પાદનો માટે નવા બજારો, વેપાર સહયોગ અને વ્યવસાયિક માર્ગદર્શન મળ્યું. સાથે સાથે પ્રેરણાદાયી ટોક શોનું આયોજન કરવામાં આવ્યું, જેમાં સફળ મહિલા ઉદ્યોગસાહસિકોએ પોતાની સંઘર્ષ અને સફળતાની કહાનીઓ વહેંચી, જેનાથી હાજર મહિલાઓમાં આત્મવિશ્વાસનો સંચાર થયો.

મેળામાં મહિલાઓ દ્વારા સંચાલિત કુલ ત્રણ વિશેષ સ્ટોલ લગાવવામાં આવ્યા હતા, જ્યાં ઘરગથ્થુ ઉદ્યોગો, હસ્તકલા, ખાદ્ય પદાર્થો અને સ્થાનિક ઉત્પાદનોનું પ્રદર્શન અને વેચાણ થયું. આ સ્ટોલ્સને મુલાકાતીઓ તરફથી ઉત્સાહજનક પ્રતિસાદ મળ્યો. મેળામાં 3,500થી વધુ લોકો ઉપસ્થિત રહ્યા, જેનાથી મહિલા ઉદ્યોગોને વ્યાપક પ્રોત્સાહન મળ્યું.

આ કાર્યક્રમ દરમિયાન કુલ 22 લાખ રૂપિયાથી વધુનું વેચાણ નોંધાયું, જે મહિલા સ્વરોજગાર માટે મોટી સિદ્ધિ ગણાય છે. આ આવકથી મહિલાઓના આત્મવિશ્વાસમાં વધારો થયો છે અને તેમના વ્યવસાયને નવી દિશા મળી છે. ઘણા મહિલા ઉદ્યોગકારોએ આ મેળાને તેમના વ્યવસાયિક સફરમાં ટર્નિંગ પોઈન્ટ તરીકે ગણાવ્યો છે.

ખેડા જિલ્લામાં આયોજિત આ મહિલા સશક્તિકરણ મેળો માત્ર એક કાર્યક્રમ નથી, પરંતુ મહિલાઓના સપનાઓને સાકાર કરવાનો પ્રયાસ છે. સ્થાનિક ઉત્પાદનોને પ્રોત્સાહન આપી “વોકલ ફોર લોકલ”ના અભિયાનને મજબૂત બનાવવામાં આવ્યો છે. આ પહેલથી મહિલાઓ આર્થિક રીતે સશક્ત બની રહી છે અને આત્મનિર્ભર ભારતના નિર્માણમાં સક્રિય ભૂમિકા ભજવી રહી છે.